هحب نفسي - صبري الرمادي

" هحب نفسي "

حظك يا قلبي .. ملكش في الغرام نصيب ...
عمر في يوم ما وافالك حبيب ...

عشت متحمل ظلم السنين ...
عشت تمسح في دمع العين ...
عشت وإنت مش قادر تعيش ...

هي دي الدنيا يا قلبي ...
بتفرح في دمعك وهمي ...
ولسة بتدور على حبيب يقف جمبي ..
لا يا قلبي ما تلاقيش ...

خلينا نكمل من غير حب ...
خلينا كده راضيين بهمنا ...
وصابرين بردو على دمعنا ...
خلينا نكمل طريقنا لوحدنا ...

الحب ما عادله مكان في الزمان ...
وكلمة بحبك بقت على كل لسان ...
والجرح كأنه مضغة لبان ...
دا جرح السلاح أهون من جرح الإنسان ...

آآآآآآآآآآآآآآآآه ...
و آهن عليك يا قلبي ...
عشت تلملم في جرحي ...
عشت تواسي همي ...
هو أنا ليا مين غيرك يا قلبي ...
يمسح بإحساسه دمعي ...

هحب فيك يا قلبي ...
ومش هخلي حد ياخدك مني ...
خلااااص الحب ما عاد يلزمني ...
كفاية عليا أحب في نفسي ...
على الأقل مش هجرح نفسي ...

مش هسمح لحد يسكن جوايا ...
هقفل على قلبي وهوايا ...
وأكتب ممنوع الحب ...
دا الجرح ساكن جوايا ...

زهرة الحب ...
الشرف ليا إنك تكوني أول رد ينور الموضوع ..
وده ذوق منكـ .. نورتي الموضوع .. ويارب نشوف جديدك منور صفحات المنتدى
ثانكس زهرة الحب على المرور الجميل ...