راجعلك تاني - صبري الرمادي

" راجــعــلكـ تـــانــي "

يللي زمان أنا كنت ساكن قلبك ...
لما تقول الآه تلاقيني جمبك ...
وإن قلت آهي تاخدني في حضنك ...
لكن حكم السنين أقوى مني ومنك ...

سامحيني على غيابي ...
والله ما كان بأمري ...
أكيد راجعلك تاني ...
يا بسمة أيام عمري ...

بعدنا آه بس الحب باقي ...
يجمع قلوبنا في أي مكان ...
وأسهرلك ليالي أنادي ...
عن حب خدنا زمان ...

لما دموعي تملى العين ...
عارف محدش هيواسيها ...
أصل حبيبي عني بعيد ...
وكان هو يخاف عليها ...

الذمب مش ذمبي ...
ولا حتى كان ذمبك ...
القدر هو إللي بعدني ...
ومش ندمان غير على قلبك ...