إبقى إفتكرني - صبري الرمادي

" إبــقـــى إفــتـكرنــــي "


إفتكر إنك سبتني .. في عز ما كنت محتاجلك
وإفتكر إنك جرحتني .. لما كنت بجد بحبك
وإفتكر إنك بعتني .. وأنا بالغالي شاري قلبك
إبــقــى إفـــتـــكـــرنـــي
وإفتكر أيام فرحنا فيها .. ودموع مسحناها بإدينا
وهموم دسنا عليها .. وفرحة ما فارقت عنينا
دا إللي بينا ما كانش حب عادي .. دا الحب والله إتشرف بينا
إبــقــى إفـــتـــكـــرنـــي
حبيبي أوعى بعدي تبكي دمعة .. لو كنت جمبك كنت همسحها
مش عارف غيري بجد هيقدرها .. ولا دموعك عنده مش فارقة
وحياة الحب إللي كان بينا .. ما تفتكر إلا كل الذكريات الحلوة
وإبــقــى إفـــتـــكـــرنـــي
بدعي ربي إنه يصبرني .. أصل فراقك بجد هيموتني
مستحيل ألاقي حد يعوضني .. عن حبك إللي كان دايماً مريحني
متشغلش بالك بيا في بعدي .. وعاوزك تنسى إنك كنت جارحني
خايف عليك لو لومت نفسك تبكي .. أصل دموعك دي لسة غالية عندي
ويارب ألاقي إللي عليك يطمني .. من يوم ما سبتك وأنا قلبي واجعني
مش عارف إنت عامل إيه من بعدي .. حبيبي لو عاوزني أسامح جرحك لقلبي
إبعتلي حد عشان يطمني .. وقولي إنك مبسوط زي ما كنت جمبي
بتمنالك تلاقي حد أحسن مني .. ويخاف عليك أكتر مني
ويعوضك عن أمان حضني ...
لو فعلاً إنت عايش مرتاح .. دي بجد حاجة هتفرحني
ولو ذكرياتي هتخلي عينك تبكي .. من قلبي بقولك بــلاش تفــتكرني

كلمات :
صبري الرمادي