صبري الرمادي إداره المــنتدى
ادعيه : عدد المساهمات : 188 تاريخ التسجيل : 14/01/2010 العمر : 34 الموقع : http://www.elbero.co.cc العمل/الترفيه : Administrator المزاج : فـــي الــــــــجــــون
| موضوع: شباب مصر - صبري الرمادي الثلاثاء فبراير 08, 2011 1:54 am | |
| " شــبـــاب مـــصـــر "
شبابك يا مصر مش شباب عادي ... وقت الفرح يكون شباب هادي ... وقت الحرب إبقى شوف مين يعادي ... من غير ما تعلي صوتك ولا تنادي ... شعارنا واحد ،، حامينا الواحد ،، وبإذن الواحد ،، ما هنخلي ولا واحد يعيش لثانية واحدة لو هيعادي ... مين يعاديكي وشبابك واعي ... قالوا علينا شباب هابط .. بلاش تقولوا علينا كلام ملوش داعي ... عمرنا ما نفرط في شارع من شوارع بلادي ... هو إحنا مجانين ننسى إللي عملوه أجدادي ... إستشهدوا في المعارك عشانك وعشاني .. نقوم ننساهم ؟؟!!! لا والله .. دا دمهم ليوم القيامة هيفضل غالي ...
أنا شاب زي كل الشباب عادي ... لا أفهم في السياسة ولا يشرفني أكون سياسي ... كل ما في الأمر إني بعشقها عشق مش عادي ... وبغير عليها غيرة مجنناني ... حاسس إن أنا ملكها وهي من باقي أملاكي .. أيوة فعلاً من أملاكي أنا ولامصريين كلهم وإخواتي ...
نسينا طعم نومنا لأجل ما يعم الأمان في بلادي ... حسينا بالآه جواها وخايفة تنادي ... سبت كل مشاغلي وجريت لها حافي ... تراب بلدي كأنه سجادة حرام أدوسها بنعالي ... ولولا الملامة وكلام الناس لأشيل ترابها على راسي ...
أوعدك يا مصر أنا وكل إخواتي ... بدام قوتي بالله والإسلام هو سلاحي ... شعبك هينام في أمان ،، وشبابك هيفضل صاحي ... وعمرنا ما نفرط في شبر منك يا بلادي ... مش محتاج منك سلطة ولا محتاجك تزيدي مالي ... لو رحت وكان مصيري زي أجدادي ... أمانة تقرئي كلامي .. هتلاقيني كاتب من زماااان إن دمي فداكي ... وإنه فعلاً مش كلام كتبته وقت نشوة غرامي ... عاوزك تفتخري بيا .. وتخلي بالك من أبويا وأمي وإخواتي ... هضحي بروحي .. عشان تعيشي في أمان إنتي وأهلي وشعبك وناسي ... محدش هيحميكي غيرنا .. وإوعي تصدقي كلام العالم الواطي ... كله عاوز ينهش فيكي .. أصل ترابك ذهب غالي ... بإذن الله هنحميكي .. وهتفضلي أم البلاد يا بلادي ... عارفة إحنا مين يا مصر ؟؟ عارفين إحنا مين يا شعب مصر ؟؟ إحــنا شــــباب مـــصــــر ... إللي قولتوا عليه كلام ملوش داعي ... قولتوا شباب هابط وكتير منهم مش واعي ... أدينا بندافع عن بلدنا .. وبنكمل مسيرة أجدادي ...
شكراً لكل واحد إتهزت ثقته في شباب مصر ،، وإللي دعالنا دعوة بينه وبين نفسه وساعة الفجر يرفع إيده إن ربي يستجابها ،، من كل قلبي بحييه ،، وأقوله ،، مكانتك من مكانة بلدي ... ومكانك على راسي ... شبابك يا مصر مش شباب عادي ...
كلمات : صبري الرمادي
| |
|